Villa Casdagli kaffi

1.890 kr.4.990 kr.

Jeremy Casdagli og hans fólk hefur nú stigið eitt skref í viðbót inn í heim lystisemdanna. Villa Casdagli kaffið kemur frá hásléttunum í Guatemala og er vandlega ristað eftir forskrift frá hópi af vel völdum kaffi- og vindlaunnendum.

Þetta er gæðakaffi sem hefur verið sérstaklega valið til þess að para með full body, djúpum og bragðmiklum tóbaksblöndum Casdagli vindlanna. En auðvitað er hægt að njóta þess líka án reykingar. Kaffið kemur frá Guatemala og er ristað af einhverri fremstu kaffibrennslu í heimi, Coffee People í Eistlandi.

Kaffið er miðlungsristað, sérstaklega hannað fyrir kaffidrykki með stuttum bruggunartíma og það hentar þannig betur fyrir espresso vélar og mokkakönnur. Kaffið er ræktað og unnið á terroir hjá Quetzalito Estate í San Antonia Huirsta í hinu fræga Huehuetenango svæði í Guatemala. Það er ræktað í 1.800 metra hæð yfir sjávarmáli af samlagi kaffibænda á svæðinu. Þetta er eitthvert besta kaffiræktunarsvæði í Guatemala og margar af betri kaffiblöndum sem litið hafa dagsins ljós eiga uppruna sinn að rekja til þessa svæðis.

Vegna hinnar miklu hæðar yfir sjávarmáli og hinu breytilega örloftslagi í þessu fjalllendi, þá er kaffið frá Huehuetenango mjög þekkt fyrir bjarta sýrni sína. Flestir bændur á svæðinu rækta kaffið í skugga með lífrænum aðgerðum til þess að tryggja hámarksgæði og umhverfisvæna framleiðslu. Berin eru sérstaklega valin og handtínd, látin gerjast í 12 klukkustundir og svo lögð til þerris í 8-10 daga en svo eru þau unnin.

Villa Casdagli kaffið er svo ristað hjá Coffee People í Eistlandi. Coffee People nota afar fullkominn Loring ristara í kaffibrennslunni sinni sem notar varmaburð til þess að rista baunirnar. Það tryggir að súrefni og allt bragð fer ekki úr baununum. Þar að auki brenna baunirnar ekki eins og oft gerist í hefðbundnum kaffibrennslum. Þetta tryggir einstaklega náttúrulegt bragð.

Hér er á ferðinni ferskt og algjörlega tært kaffi með afar sérstökum karaktereinkennum sem rekja má til svæðisins þar sem það er ræktað.

Kaffið kom nýverið á markað og er væntanlegt til landsins síðari hluta janúar. Þá verður hægt að setja það í körfuna hér í vefversluninni. Þið getið sent okkur tölvupóst á vindill@vindill.is ef þið viljið taka frá poka.

Clear
SKU: CASDAGLIKAFFI Vöruflokkar: ,
Aðrar upplýsingar

Aðrar upplýsingar

Stærð

,

Framleiðandi

Casdagli Cigars

Stjörnugjöf (0)

Stjörnugjöf

Engar stjörnur komnar.

Aðeins skráðir viðskiptavinir, sem hafa keypt þessa vöru, geta gefið stjörnur.

Afhending vöru
Við sendum um allt land.

Þú getur fengið vöruna senda með Dropp eða póstinum. Hjá Dropp getur þú valið milli þess að fá vöruna senda heim eða sækja hana á afhendingastað sem t.d. eru N1 stöðvar. Hjá Póstinum getur þú valið milli þess að fá vöruna senda heim, á pósthús eða í póstbox.

Svo getur þú að sjálfsögðu sótt vöruna á skrifstofu Vindils.